Мектебіміздің тарихы
Мектеп – адам өміріндегі жолдың бастауы
Асықата дегеніміз – халықтың айтуынша әулие кесене екен. Сырдария тасығанда оны су басқан көрінеді. Ұзыната сияқты Асықата да кезінде атағы кіріп, базары тарқамаған ертедегі үлкен шаһарлардың бірі болуы ықтимал.
Сырдың орта ағысының жағалауын мекендеген халық пір тұтатын қасиетті орындардың бірі - Асықата кесенесі болатын 1917 жылға дейін мұнда Асықата мешіті де, жұмыс облысының Қожент уезіне қарасты, Иіржар болысының Ақтөбе әкімшілік ауылының аумағында болған.
Кеңес өкіметі орнап , Мырзашөл қазақтары ұжымдық шаруашылықтар құру науқанына тартыла бастағанда Асықата ауылының тұрғындыры да сыр бойындағы бұрынғы қыстауларын тастап кеткен.
Біздің мектебіміз 1999 жылдан бері осы киелі Асықата атауын алды. Мектептің алғашқы атауы Победа сегіз жылдық мектеп болған. Мектеп 1965 жылы 1 қыркүйекте іске қосылған. Содан 1970 жылдан бастап Абай Құнанбаев орта мектебі болып өзгертілді. Ол, Өркенді елді мекенінде орналасқан. Мектептің алғашқы директоры Шәкен Байтоғаев. Ал қазіргі директорымыз Ержан Бектұрсынов 2009 Жылдан бері қызмет атқаруда.
«Оқу ісінің үздігі», «Соғыс және еңбек ардагері» мектептің
бірінші тәлімгері болған Сердалиева Зәуре. 1980-83 жылдар аралығында директор
қызметін Сарманов Қурманай Серманұлы атқарған. Талай жылдар бойы қызмет еткен
өз ісінің білікті маманы ретінде төменгі ұзтаздарды айтуға болады: Кайжанов Ш,
Кешубаева А.Ж, Нагоргая В.В, Гегель Л.К, Ерунова В.В, Сүлейменов А.С,
Баймырзаева Ә, Құланова Е, Бузтайлякова Р, Әбілқайыров Ө, Байзақов М, Сегізбаев
С, Жақыпова К.М, Сейпенов Б, Исакова К, Султанмуратов К, Омарова Г.
Мектепте көптеген игі істер атқарылып отыр. Мектепте қазіргі таңда 121 мұғалім жұмыс атқарады. Жоғарғы санатты мұғалімдер -151, 1 санатты -20, 2 санатты -21, ҚР-ның білім беру ісінің үздік белгісі бар 2мұғалім жұмыс істейді. Мектептің педагогикалық ұжымы тиімді әдіс қолдана отырып, дарынды, білімді салауатты шәкірттер дайындауда.
Мектеп ұжымында өзінің білімімен , біліктілігімен көзге түсіп жүрген ұстаздар көп. Атап айтар болсақ Информатика пәні мұғалімі Меңдібаева Баян шәкірттері облыстық олимпиядаларға қатысып , жүлделі орындар алуда. Физика пәні мұғалімі Тілепова Нағиманың шәкірттері жоғары оқу орындарында грант иегерлері.
Ата бабамыздың барын бағамдатып, көрсеткен ұстаз Ахметханова Рамиля Медиханқызы. Ол өз шығармашылығында туған жер құдіретіне, ата- баба дәстүріне терең түйіндеулер жасады. Сонымен қатар өз шәкірттерімен мақтана алады.
Тест жүйесі басталғалы біздің мектеп шәкірттері жылдан- жылға , .жоғары оқу орындарына грант иелері болуда.
